निर्वाचन आयोगले निर्वाचनलाई स्वच्छ, स्वतन्त्र, निष्पक्ष र मर्यादित बनाउन काठमाडौं जिल्लामा ६ जना आचारसंहिता अनुगमन अधिकृत खटाइएको छ।
बिज्ञापन
निर्वाचन आयोगले काठमाडौं जिल्लाभित्र निर्वाचन आचारसंहिता अनुगमनका लागि मुक्तिराम रिजाल, शिवराम भट्टराई, रोमाकान्त काफ्ले, मुनकुमार केसी, सुनिता सुवेदी र रूक्माङ्गत अर्याललाई परिचालन गरिएको छ। रिजाल काठमाडौंका सहायक प्रमुख जिल्ला अधिकारी हुन भने बाँकी ५ जना काठमाडौं जिल्लाभित्र रहेका कोष तथा लेखा नियन्त्रक कार्यालयका प्रमुख कोष नियन्त्रक हुन्।
बिज्ञापन
निर्वाचन आयोगका अनुसार, सहायक प्रमुख जिल्ला अधिकारी रिजाललाई समग्र काठमाडौंको आचारसंहिता हेर्ने गरी खटाइको छ। कोलेनिका बबरमहलका प्रमुख शिवराम भट्टराईलाई प्रतिनिधिसभा काठमाडौं क्षेत्र नम्बर एक र दुईमा निर्वाचन आचारसंहिता अनुगमनका लागि आचारसंहिता अनुगमन अधिकृतका रूपमा खटाइएको हो। कोलेनिका सुन्धाराको प्रमुख सुनिता सुवेदीलाई काठमाडौं तीन र चार, कोलेनिका लैनचौरका प्रमुख मुनकुमार केसीलाई क्षेत्र नम्बर पाँच र छ हेर्ने गरी आचारसंहिता अनुगमन अधिकृतका रूपमा खटाइएको छ। त्यसैगरी काठमाडौंको प्रतिनिधिसभा क्षेत्र नम्बर सात र आठ हेर्ने गरी कोलेनिका सिंहदरबारका प्रमुख रोमाकान्त काफ्लेलाई र नौं र दश नम्बर क्षेत्रमा आचारसंहिता अनुगमन अधिकृतका रूपमा कोलेनिका त्रिपुरेश्वरका प्रमुख रुक्माङ्गत अर्याललाई आचारसंहिता अनुगमन अधिकृत तोकिएको हो। उनीहरूले ती क्षेत्रमा आचारसंहिताको प्रभावकारी कार्यान्वयनका लागि सक्रियता देखाएका छन्।
बिज्ञापन
